ਕੀ ਮੀਰਾ ਰਾਜਪੂਤ ਵਿਆਹ ਦੇ ਕੁਝ ਦਿਨਾਂ ਬਾਅਦ ਸ਼ਾਹਿਦ ਕਪੂਰ ਨੂੰ ਛੱਡਣਾ ਚਾਹੁੰਦੀ ਸੀ? ਇਹ ਕਾਰਨ ਸੀ

0
356

ਮਸ਼ਹੂਰ ਸੈਲੀਬ੍ਰਿਟੀ ਜੋੜੇ ਸ਼ਾਹਿਦ ਕਪੂਰ ਅਤੇ ਮੀਰਾ ਰਾਜਪੂਤ ਦੇ ਵਿਆਹ ਨੂੰ ਭਾਵੇਂ 7 ਸਾਲ ਹੋ ਗਏ ਹਨ ਪਰ ਇਸ ਦੇ ਬਾਵਜੂਦ ਵੀ ਦੋਵਾਂ ਵਿਚਾਲੇ ਉਹੀ ਪਿਆਰ ਦੇਖਣ ਨੂੰ ਮਿਲ ਰਿਹਾ ਹੈ। ਹਾਲਾਂਕਿ, ਇਹ ਵੀ ਸੱਚ ਹੈ ਕਿ ਇੱਕ ਸਮਾਂ ਅਜਿਹਾ ਵੀ ਸੀ ਜਦੋਂ ਮੀਰਾ ਨੇ ਅਭਿਨੇਤਾ ਦੇ ਨਾਲ ਵਿਆਹ ਤੋਂ ਇਨਕਾਰ ਕਰ ਦਿੱਤਾ ਸੀ। ਦਰਅਸਲ, ਇਹ ਘਟਨਾ ਸਾਲ 2016 ‘ਚ ਫਿਲਮ ‘ਉੜਤਾ ਪੰਜਾਬ’ ਦੌਰਾਨ ਵਾਪਰੀ ਸੀ, ਜਦੋਂ ਸ਼ਾਹਿਦ ਕਪੂਰ ਅਤੇ ਮੀਰਾ ਰਾਜਪੂਤ ਪਹਿਲੀ ਵਾਰ ਮਿਲੇ ਸਨ। ਉਨ੍ਹਾਂ ਦਿਨਾਂ ਵਿੱਚ, ਉਸਨੇ ਫਿਲਮ ਦੇ ਕਿਰਦਾਰ ਲਈ ਟੌਮੀ ਦੀ ਲੁੱਕ ਨੂੰ ਕੈਰੀ ਕੀਤਾ ਸੀ।

ਦਸ ਦੇਈਏ ਕਿ ਇਕ ਇੰਟਰਵਿਊ ‘ਚ ਸ਼ਾਹਿਦ ਨੇ ਖੁਦ ਦੱਸਿਆ ਸੀ, ‘ਜਦੋਂ ਮੇਰਾ ਅਤੇ ਮੀਰਾ ਦਾ ਵਿਆਹ ਹੋਇਆ ਸੀ ਤਾਂ ਇਕ ਬਹੁਤ ਹੀ ਮਜ਼ਾਕੀਆ ਗੱਲ ਹੋਈ ਸੀ। ਮੈਂ ਮੀਰਾ ਨੂੰ ‘ਉੜਤਾ ਪੰਜਾਬ’ ਰਿਲੀਜ਼ ਹੋਣ ਤੋਂ ਪਹਿਲਾਂ ਹੀ ਦੇਖਣ ਲਈ ਲੈ ਗਿਆ ਸੀ। ਅਸੀਂ ਫਿਲਮ ਨੂੰ ਐਡੀਟਿੰਗ ਰੂਮ ਵਿੱਚ ਦੇਖਿਆ। ਸ਼ਾਹਿਦ ਨੇ ਦੱਸਿਆ ਕਿ ਫਿਲਮ ਦੇਖਦੇ ਸਮੇਂ ਮੀਰਾ ਉਨ੍ਹਾਂ ਦੇ ਕੋਲ ਬੈਠੀ ਸੀ ਪਰ ਇੰਟਰਵਲ ਦੌਰਾਨ ਉਹ ਮੇਰੇ ਤੋਂ ਦੂਰ ਹੁੰਦੀ ਜਾ ਰਹੀ ਸੀ। ਮੈਂ ਹੈਰਾਨ ਸੀ ਕਿ ਕੀ ਹੋਇਆ। ਸਾਡਾ ਹੁਣੇ-ਹੁਣੇ ਵਿਆਹ ਹੋਇਆ ਸੀ। ਅਸੀਂ ਇੱਕ ਦੂਜੇ ਨੂੰ ਚੰਗੀ ਤਰ੍ਹਾਂ ਜਾਣਦੇ ਵੀ ਨਹੀਂ ਸੀ।

ਇਸ ‘ਤੇ ਮੀਰਾ ਨੇ ਉਸ ਤੋਂ ਪੁੱਛਿਆ ਕਿ ਕੀ ਉਹ ਉਸ ਦੇ ਆਨ-ਸਕਰੀਨ ਕਿਰਦਾਰ ਵਰਗੀ ਹੈ ਅਤੇ ਉਸ ਨੂੰ ਕਿਹਾ, ‘ਮੈਂ ਤੁਹਾਡੇ ਨਾਲ ਨਹੀਂ ਰਹਿਣਾ ਚਾਹੁੰਦੀ।’ ਅਭਿਨੇਤਾ ਨੇ ਤੁਰੰਤ ਉਸ ਨੂੰ ਸਮਝਾਇਆ ਕਿ ਫਿਲਮ ਵਿਚਲੇ ਕਿਰਦਾਰ ਦਾ ਅਸਲ ਜ਼ਿੰਦਗੀ ਵਿਚ ਉਸ ਨਾਲ ਕੋਈ ਲੈਣਾ-ਦੇਣਾ ਨਹੀਂ ਹੈ। ਦੱਸਣਯੋਗ ਹੈ ਕਿ ‘ਉੜਤਾ ਪੰਜਾਬ’ ਨਸ਼ਿਆਂ ‘ਤੇ ਆਧਾਰਿਤ ਫਿਲਮ ਸੀ। ਇਸ ‘ਚ ਸ਼ਾਹਿਦ ਕਪੂਰ ਨੇ ਨਸ਼ੇੜੀ ਸੁਪਰਸਟਾਰ ਦੀ ਭੂਮਿਕਾ ਨਿਭਾਈ ਹੈ।.