ਦੋਸ਼ੀ ਦਾ ਜੀਜਾ ਬਾਬਾ ਰਾਮਪਾਲ ਗਿਰੀ ਪਾਣੀਪਤ ਦੇ ਪਿੰਡ ਖੰਡਾਰਾ ‘ਚ ਵਿਆਹਿਆ ਹੋਇਆ ਹੈ। ਉਸ ਦੇ ਤਿੰਨ ਬੱਚੇ ਵੀ ਹਨ। ਪਰਿਵਾਰਕ ਦੁੱਖਾਂ ਕਾਰਨ ਉਹ ਪਰਿਵਾਰ ਛੱਡ ਕੇ ਬਾਬਾ ਬਣ ਗਿਆ। ਇਸ ਗੱਲ ਨੂੰ ਲੈ ਕੇ ਉਸ ਦੇ ਸਹੁਰੇ ਉਸ ਨਾਲ ਨਾਰਾਜ਼ ਸਨ।
ਹਰਿਆਣਾ ਦੇ ਪਾਣੀਪਤ ਜ਼ਿਲ੍ਹੇ ਦੇ ਪਿੰਡ ਸ਼ੇਰਾ ਨੇੜੇ ਬਾਬਾ ਸ਼ੁਕਰਨਾਥ ਦੀ ਸਮਾਧੀ ‘ਤੇ ਬਣੀ ਝੌਂਪੜੀ ‘ਚ ਐਤਵਾਰ ਸਵੇਰੇ ਸਾਢੇ ਪੰਜ ਵਜੇ ਇਕ ਸੰਨਿਆਸੀ ਬਾਬਾ ਦੀ ਕੁੱਟ-ਕੁੱਟ ਕੇ ਹੱਤਿਆ ਕਰ ਦਿੱਤੀ ਗਈ। ਦਰਅਸਲ, ਘਰ ਪਰਿਵਾਰ ਨੂੰ ਛੱਡ ਕੇ ਬਾਬੇ ਬਣੇ ਜੀਜੇ ਨੂੰ ਉਸ ਦਾ ਸਾਲਾ ਮਾਰਨ ਆਇਆ ਸੀ ਪਰ ਹਨੇਰਾ ਹੋਣ ਕਾਰਨ ਉਹ ਦੂਜੇ ਬਾਬੇ ਦਾ ਕਤਲ ਕਰਕੇ ਫਰਾਰ ਹੋ ਗਿਆ।
ਪ੍ਰਾਪਤ ਜਾਣਕਾਰੀ ਅਨੁਸਾਰ ਮੁਲਜ਼ਮ ਦਾ ਜੀਜਾ ਰਾਮਪਾਲ ਗਿਰੀ ਦੂਜੇ ਬਾਬੇ ’ਤੇ ਹਮਲਾ ਹੁੰਦਾ ਦੇਖ ਕੇ ਮੌਕੇ ਤੋਂ ਭੱਜ ਗਿਆ, ਜਿਸ ਕਾਰਨ ਉਸ ਦਾ ਬਚਾਅ ਹੋ ਗਿਆ। ਘਟਨਾ ਦੀ ਸੂਚਨਾ ਪੁਲਿਸ ਨੂੰ ਦਿੱਤੀ ਗਈ। ਮੌਕੇ ‘ਤੇ ਪਹੁੰਚੀ ਪੁਲਿਸ ਨੇ ਲਾਸ਼ ਨੂੰ ਕਬਜ਼ੇ ‘ਚ ਲੈ ਕੇ ਪਾਣੀਪਤ ਦੇ ਸਿਵਲ ਹਸਪਤਾਲ ਪਹੁੰਚਾਇਆ। ਪਿੰਡ ਸ਼ੇਰੇ ਦੇ ਲੋਕਾਂ ਦੇ ਬਿਆਨਾਂ ਅਤੇ ਸ਼ਿਕਾਇਤਾਂ ਦੇ ਆਧਾਰ ‘ਤੇ ਥਾਣਾ ਮਤਲੋੜਾ ਦੀ ਪੁਲਿਸ ਨੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
ਜਾਣਕਾਰੀ ਦਿੰਦੇ ਹੋਏ ਮੁਕੇਸ਼ ਨਾਥ ਨੇ ਦੱਸਿਆ ਕਿ ਦੋਸ਼ੀ ਦਾ ਜੀਜਾ ਬਾਬਾ ਰਾਮਪਾਲ ਗਿਰੀ ਪਾਣੀਪਤ ਦੇ ਪਿੰਡ ਖੰਡਾਰਾ ‘ਚ ਵਿਆਹਿਆ ਹੋਇਆ ਹੈ। ਉਸ ਦੇ ਤਿੰਨ ਬੱਚੇ ਵੀ ਹਨ। ਪਰਿਵਾਰਕ ਦੁੱਖਾਂ ਕਾਰਨ ਉਹ ਪਰਿਵਾਰ ਛੱਡ ਕੇ ਬਾਬਾ ਬਣ ਗਿਆ। ਇਸ ਗੱਲ ਨੂੰ ਲੈ ਕੇ ਉਸ ਦੇ ਸਹੁਰੇ ਉਸ ਨਾਲ ਨਾਰਾਜ਼ ਸਨ। ਇਸੇ ਰੰਜਿਸ਼ ਨੂੰ ਰੱਖਦਿਆਂ ਅੱਜ ਸਵੇਰੇ ਉਸ ਦਾ ਸਾਲਾ ਮਹਿੰਦਰ ਵਾਸੀ ਖੰਡਾਰਾ ਉਹਨਾਂ ਦੀ ਝੌਂਪੜੀ ‘ਚ ਆਇਆ ਅਤੇ ਉਸ ਨੇ ਆ ਕੇ ਝਗੜਾ ਬਾਅਦ ਉਸ ਨੇ ਸਾਡੇ ਤਾਊ ਗੁਰੂ ਦਾ ਕਤਲ ਕਰ ਦਿੱਤਾ।
ਦੱਸ ਦੇਈਏ ਕਿ ਦੋਸ਼ੀ 5 ਮਿੰਟ ਪਹਿਲਾਂ ਵੀ ਬਾਬਾ ਬਣ ਚੁੱਕੇ ਆਪਣੇ ਜੀਜਾ ਰਾਮਪਾਲ ਗਿਰੀ ਨੂੰ ਮਾਰਨ ਲਈ ਆਇਆ ਸੀ। ਫਿਰ ਝਗੜਾ ਨੂੰ ਰੋਕਣ ਲਈ ਇੱਕ ਮਛੇਰੇ ਨੇ ਕੋਸ਼ਿਸ਼ ਕੀਤੀ , ਜਿਸ ਤੋਂ ਬਾਅਦ ਮੁਲਜ਼ਮ ਮਹਿੰਦਰ ਉੱਥੋਂ ਚਲਾ ਗਿਆ ਅਤੇ ਮੁਲਜ਼ਮ ਦਾ ਜੀਜਾ ਬਾਬਾ ਰਾਮਪਾਲ ਗਿਰੀ ਵੀ ਅੰਦਰ ਜਾ ਕੇ ਝੌਂਪੜੀ ਵਿੱਚ ਲੇਟ ਗਿਆ। ਕਰੀਬ 5 ਮਿੰਟ ਬਾਅਦ ਮੁਲਜ਼ਮ ਮਹਿੰਦਰ ਨੇ ਫਿਰ ਆ ਕੇ ਝੌਂਪੜੀ ਦੇ ਅੰਦਰ ਸੁੱਤੇ ਪਏ 65 ਸਾਲਾ ਬਾਬਾ ਸੇਵਾਨਾਥ ‘ਤੇ ਡੰਡਿਆਂ ਨਾਲ ਜ਼ੋਰਦਾਰ ਹਮਲਾ ਕਰ ਦਿੱਤਾ। ਸੇਵਨਾਥ ‘ਤੇ ਹਮਲਾ ਹੁੰਦਾ ਦੇਖ ਕੇ ਰਾਮਪਾਲ ਗਿਰੀ ਨੇ ਸਥਿਤੀ ਨੂੰ ਸਮਝ ਲਿਆ ਅਤੇ ਉਥੋਂ ਫਰਾਰ ਹੋ ਗਿਆ, ਜਿਸ ਕਾਰਨ ਉਸ ਦੀ ਜਾਨ ਬਚ ਗਈ।
