Diwali 2022: ਸ਼੍ਰੀਲੰਕਾ ਦੇ ਇਸ ਜੰਗਲ ‘ਚ ਹੈ ਰਾਵਣ ਦੀ ਗੁਫਾ, ਵੇਖੋ ਤਸਵੀਰਾਂ

0
360

ਹਾਲ ਹੀ ਵਿਚ ਦੇਸ਼ ਭਰ ਵਿਚ ਦੁਸਹਿਰਾ ਧੂਮਧਾਮ ਨਾਲ ਮਨਾਇਆ ਗਿਆ। ਇਸ ਦੇ ਨਾਲ ਹੀ ਠੀਕ 19 ਦਿਨਾਂ ਬਾਅਦ ਪੂਰੇ ਦੇਸ਼ ਵਿੱਚ ਦੀਵਾਲੀ ਦਾ ਤਿਉਰਾਹ ਮਨਾਇਆ ਗਿਆ। ਦੀਵਾਲੀ ਦੇ ਪਿੱਛੇ ਦੀ ਕਥਾ ਇਹ ਹੈ ਕਿ ਇਸ ਦਿਨ ਭਗਵਾਨ ਸ਼੍ਰੀ ਰਾਮ ਲੰਕਾ ਨੂੰ ਜਿੱਤਣ ਤੋਂ ਬਾਅਦ ਅਯੁੱਧਿਆ ਪਰਤੇ ਸਨ। ਰਾਵਣ ਨੂੰ ਲੈ ਕੇ ਅੱਜ ਵੀ ਦੁਨੀਆ ਭਰ ਵਿੱਚ ਕਈ ਦੰਤਕਥਾਵਾਂ ਹਨ। ਜਿਸ ਵਿਚੋਂ ਮੁੱਖ ਤੌਰ ਉਤੇ ਰਾਵਣ ਦੀ ਦੇਹ ਨੂੰ ਲੈ ਕੇ ਕਈ ਤਰ੍ਹਾਂ ਦੀ ਚਰਚਾ ਹੈ।

ਕੁਝ ਸਾਲ ਪਹਿਲਾਂ, ਸ਼੍ਰੀਲੰਕਾ ਦੇ ਅੰਤਰਰਾਸ਼ਟਰੀ ਰਾਮਾਇਣ ਖੋਜ ਕੇਂਦਰ ਅਤੇ ਉੱਥੋਂ ਦੇ ਸੈਰ-ਸਪਾਟਾ ਮੰਤਰਾਲੇ ਨੇ ਰਾਮਾਇਣ ਨਾਲ ਸਬੰਧਤ 50 ਸਥਾਨਾਂ ਦੀ ਖੋਜ ਕੀਤੀ ਸੀ। ਇਨ੍ਹਾਂ ਥਾਵਾਂ ਦਾ ਜ਼ਿਕਰ ਰਾਮਾਇਣ ਵਿਚ ਵੀ ਮਿਲਦਾ ਹੈ। ਇਨ੍ਹਾਂ ਵਿੱਚੋਂ ਇੱਕ ਹੈ ਸ਼੍ਰੀਲੰਕਾ ਦੇ ਰੈਗਲਾ ਦੇ ਜੰਗਲ, ਜਿਸ ਦੇ ਵਿਚਕਾਰ ਇੱਕ ਬਹੁਤ ਵੱਡਾ ਪਹਾੜ ਹੈ। (ਫੋਟੋ-ਟਵਿੱਟਰ)

ਦਾਅਵਾ ਕੀਤਾ ਜਾਂਦਾ ਹੈ ਕਿ ਇੱਥੇ ਰਾਵਣ ਦੀ ਗੁਫਾ ਹੈ, ਜਿੱਥੇ ਉਸ ਨੇ ਤਪੱਸਿਆ ਕੀਤੀ ਸੀ। ਅੱਜ ਵੀ ਰਾਵਣ ਦੀ ਦੇਹ ਉਸੇ ਗੁਫਾ ਵਿੱਚ ਸੁਰੱਖਿਅਤ ਰੱਖੀ ਹੋਈ ਹੈ। (ਫੋਟੋ-ਟਵਿੱਟਰ)

ਰੈਗਲਾ ਦੇ ਸੰਘਣੇ ਜੰਗਲਾਂ ਅਤੇ ਗੁਫਾਵਾਂ ਵਿੱਚ ਕੋਈ ਨਹੀਂ ਜਾਂਦਾ। ਕਿਉਂਕਿ ਇੱਥੇ ਜੰਗਲੀ ਅਤੇ ਖਤਰਨਾਕ ਜਾਨਵਰ ਮੌਜੂਦ ਹਨ। ਰਾਵਣ ਦੀ ਇਹ ਗੁਫਾ ਰੈਗਲਾ ਖੇਤਰ ਵਿਚ 8000 ਫੁੱਟ ਦੀ ਉਚਾਈ ਉਤੇ ਸਥਿਤ ਹੈ, ਜਿੱਥੇ ਉਸ ਦੀ ਦੇਹ ਨੂੰ 17 ਫੁੱਟ ਲੰਬੇ ਤਾਬੂਤ ਵਿਚ ਰੱਖਿਆ ਗਿਆ ਹੈ।

ਕਿਹਾ ਜਾਂਦਾ ਹੈ ਕਿ ਭਗਵਾਨ ਸ਼੍ਰੀ ਰਾਮ ਦੇ ਹੱਥੋਂ ਰਾਵਣ ਦੇ ਮਾਰੇ ਜਾਣ ਨੂੰ 10 ਹਜ਼ਾਰ ਸਾਲ ਤੋਂ ਵੱਧ ਸਮਾਂ ਬੀਤ ਚੁੱਕਾ ਹੈ। (ਫੋਟੋ-Canva)

ਰਾਵਣ ਦੇ ਮ੍ਰਿਤਕ ਸਰੀਰ ਉਤੇ ਇਕ ਖਾਸ ਕਿਸਮ ਦਾ ਲੇਪ ਲਗਾਇਆ ਗਿਆ ਹੈ, ਜਿਸ ਕਾਰਨ ਇਹ ਹਜ਼ਾਰਾਂ ਸਾਲਾਂ ਬਾਅਦ ਵੀ ਉਸੇ ਤਰ੍ਹਾਂ ਦਿਖਾਈ ਦਿੰਦੀ ਹੈ। (ਵਿਕੀ ਕਾਮੰਸ)

ਇਹ ਖੋਜ ਸ੍ਰੀਲੰਕਾ ਦੇ ਅੰਤਰਰਾਸ਼ਟਰੀ ਰਾਮਾਇਣ ਖੋਜ ਕੇਂਦਰ ਨੇ ਕੀਤੀ ਹੈ। ਇਸ ਖੋਜ ਮੁਤਾਬਕ ਰਾਵਣ ਦੀ ਲਾਸ਼ ਨੂੰ 18 ਫੁੱਟ ਲੰਬਾ ਅਤੇ 5 ਫੁੱਟ ਚੌੜੇ ਤਾਬੂਤ ‘ਚ ਰੱਖਿਆ ਗਿਆ ਹੈ। (ਫੋਟੋ-istock)

ਇਹ ਵੀ ਕਿਹਾ ਜਾਂਦਾ ਹੈ ਕਿ ਇਸ ਤਾਬੂਤ ਦੇ ਹੇਠਾਂ ਰਾਵਣ ਦਾ ਅਨਮੋਲ ਖਜ਼ਾਨਾ ਪਿਆ ਹੈ। ਇਸ ਖਜ਼ਾਨੇ ਦੀ ਰਾਖੀ ਇੱਕ ਭਿਆਨਕ ਸੱਪ ਅਤੇ ਖੁੰਖਾਰ ਜਾਨਵਰ ਦੁਆਰਾ ਕੀਤੀ ਜਾਂਦੀ ਹੈ।

ਕਿਹਾ ਜਾਂਦਾ ਹੈ ਕਿ ਨਾਗਕੁਲ ਦੇ ਲੋਕ ਰਾਵਣ ਦੀ ਲਾਸ਼ ਨੂੰ ਆਪਣੇ ਨਾਲ ਲੈ ਗਏ। ਕਿਉਂਕਿ ਉਨ੍ਹਾਂ ਲੋਕਾਂ ਦਾ ਮੰਨਣਾ ਸੀ ਕਿ ਰਾਵਣ ਦੁਬਾਰਾ ਜ਼ਿੰਦਾ ਹੋਵੇਗਾ। ਪਰ ਅਜਿਹਾ ਨਹੀਂ ਹੋਇਆ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਰਾਵਣ ਦੀ ਲਾਸ਼ ਨੂੰ ਮਮੀ ਬਣਾ ਦਿੱਤਾ।

ਖੋਜ ਵਿੱਚ ਇਹ ਵੀ ਦਾਅਵਾ ਕੀਤਾ ਗਿਆ ਹੈ ਕਿ ਰਾਵਣ ਦੀ ਅਸ਼ੋਕ ਵਾਟਿਕਾ ਕਿੱਥੇ ਸੀ, ਜਿਸ ਨੂੰ ਹਨੂੰਮਾਨ ਜੀ ਨੇ ਨਸ਼ਟ ਕੀਤਾ ਸੀ।