Breaking News
Home / Punjab / ਸ਼ਹਿਨਾਜ਼ ਗਿੱਲ ਤੇ ਲੱਗੇ ਸਿਧਾਰਥ ਸ਼ੁਕਲਾ ਦਾ ਨਾਂ ਵਰਤਣ ਦੇ ਦੋਸ਼

ਸ਼ਹਿਨਾਜ਼ ਗਿੱਲ ਤੇ ਲੱਗੇ ਸਿਧਾਰਥ ਸ਼ੁਕਲਾ ਦਾ ਨਾਂ ਵਰਤਣ ਦੇ ਦੋਸ਼

ਸਿਧਾਰਥ ਨੂੰ ਲੈ ਕੇ ਟਰੋਲ ਹੋਈ ਸ਼ਹਿਨਾਜ਼, ਟਵਿੱਟਰ ‘ਤੇ #StopUsingSidharthShukla ਹੋ ਰਿਹਾ ਟਰੈਂਡ

ਨਵੀਂ ਦਿੱਲੀ (ਬਿਊਰੋ) : ਪੰਜਾਬੀ ਗਾਇਕਾ ਤੇ ਅਦਾਕਾਰਾ ਸ਼ਹਿਨਾਜ਼ ਕੌਰ ਗਿੱਲ ਨੇ ਹਾਲ ਹੀ ‘ਚ ਸਿਧਾਰਥ ਸ਼ੁਕਲਾ ਨੂੰ ਯਾਦ ਕਰਦੇ ਹੋਏ ਆਪਣਾ ਗੀਤ ‘ਤੂੰ ਯੇਹੀ ਹੈ’ ਰਿਲੀਜ਼ ਕੀਤਾ ਹੈ। ਇਸ ਗੀਤ ਨਾਲ ਸ਼ਹਿਨਾਜ਼ ਨੇ ਸਿਧਾਰਥ ਸ਼ੁਕਲਾ ਨੂੰ ਸ਼ਰਧਾਂਜਲੀ ਦਿੱਤੀ ਹੈ। ਇਸ ਦੇ ਰਿਲੀਜ਼ ਹੋਣ ਦੇ ਕੁਝ ਘੰਟਿਆਂ ‘ਚ ਹੀ ਇਸ ਗੀਤ ਨੂੰ ਲੱਖਾਂ ਲਾਈਕਸ ਵੀ ਆ ਗਏ। ਯੂਟਿਊਬ ‘ਤੇ ਕੁਝ ਪ੍ਰਸ਼ੰਸਕਾਂ ਨੇ ਲਿਖਿਆ ਕਿ ਇਸ ਗੀਤ ਨੂੰ ਸੁਣ ਕੇ ਉਨ੍ਹਾਂ ਦੇ ਹੰਝੂ ਨਿਕਲ ਆਏ ਪਰ ਇਸ ਦੇ ਨਾਲ ਹੀ ਕੁਝ ਲੋਕਾਂ ਨੂੰ ਸ਼ਰਧਾਂਜਲੀ ਦਾ ਇਹ ਅੰਦਾਜ਼ ਪਸੰਦ ਨਹੀਂ ਆਇਆ ਅਤੇ ਉਨ੍ਹਾਂ ਨੇ ਸ਼ਹਿਨਾਜ਼ ਨੂੰ ਟਰੋਲ ਕਰਨਾ ਸ਼ੁਰੂ ਕਰ ਦਿੱਤਾ।

ਸਿਧਾਰਥ ਸ਼ੁਕਲਾ ਦੇ ਪ੍ਰਸ਼ੰਸਕ ਸ਼ਹਿਨਾਜ਼ ‘ਤੇ ਉਨ੍ਹਾਂ ਦਾ ਨਾਂ ਵਰਤਣ ਦਾ ਦੋਸ਼ ਲਗਾ ਰਹੇ ਹਨ। ਟਵਿੱਟਰ ‘ਤੇ ‘ਸਟਾਪ ਯੂਜ਼ਿੰਗ ਸਿਧਾਰਥ ਸ਼ੁਕਲਾ’ ਵੀ ਟਰੈਂਡ ਕਰ ਰਿਹਾ ਹੈ। ਸ਼ਹਿਨਾਜ਼ ਕੌਰ ਗਿੱਲ ਤੋਂ ਇਲਾਵਾ ਉਸ ਨੇ ਗਾਇਕ ਅਤੇ ਅਦਾਕਾਰ ਅਮਿਤ ਟੰਡਨ ਨੂੰ ਵੀ ਬਦਨਾਮ ਕੀਤਾ ਹੈ ਕਿਉਂਕਿ ਅਮਿਤ ਨੇ ਕੁਝ ਦਿਨ ਪਹਿਲਾਂ ਹੀ ਸਿਧਾਰਥ ਦੇ ਗੀਤ ‘ਦਿਲ ਕੋ ਕਰਾਰ ਆਇਆ’ ਦੇ ਕਵਰ ਗੀਤ ਦਾ ਐਲਾਨ ਕੀਤਾ ਹੈ।

ਹਾਲਾਂਕਿ ਸ਼ਹਿਨਾਜ਼ ਨੂੰ ਸੋਸ਼ਲ ਮੀਡੀਆ ‘ਤੇ ਇਸ ਤਰ੍ਹਾਂ ਟਰੋਲ ਹੁੰਦੇ ਵੇਖ ਉਨ੍ਹਾਂ ਦਾ ਦੋਸਤ ਅਲੀ ਗੋਨੀ ਸਾਹਮਣੇ ਆਇਆ। ਅਲੀ ਗੋਨੀ ਨੇ ਸ਼ਹਿਨਾਜ਼ ਦਾ ਖੁੱਲ੍ਹ ਕੇ ਸਮਰਥਨ ਕੀਤਾ ਅਤੇ ਨਾਲ ਹੀ ਉਨ੍ਹਾਂ ਕਿਹਾ ਕਿ, ”ਜੇਕਰ ਸ਼ਹਿਨਾਜ਼ ਸਿਧਾਰਥ ਸ਼ੁਕਲਾ ਦਾ ਨਾਂ ਲੈ ਰਹੀ ਹੈ ਤਾਂ ਉਸ ਨੂੰ ਪੂਰਾ ਹੱਕ ਹੈ।”


ਇਕ ਟਵੀਟ ‘ਚ ਅਲੀ ਗੋਨੀ ਨੇ ਲਿਖਿਆ, ”ਮੈਨੂੰ ਲੱਗਦਾ ਹੈ ਕਿ ਮੇਰੇ ਆਖ਼ਰੀ ਟਵੀਟ ‘ਚ ਗਲ਼ਤਫਹਿਮੀ ਹੈ। ਸ਼ਰਧਾਂਜਲੀ ਦੇਣ ਲਈ ਸ਼ਹਿਨਾਜ਼ ਦਾ ਪੂਰਾ ਹੱਕ ਬਣਦਾ ਹੈ ਅਤੇ ਮੈਨੂੰ ਉਹ ਗੀਤ ਪਸੰਦ ਆਇਆ। ਦੂਜਾ ਉਹ ਟਵੀਟ ਉਨ੍ਹਾਂ ਲੋਕਾਂ ਲਈ ਸੀ, ਜੋ ਡਰੈਗ ਆਨ ਕਰਦੇ ਹਨ। ਕਵਰ ਗੀਤਾਂ ਦੀਆਂ ਰੀਲਾਂ ਅਤੇ ਸਭ ਦੇ ਨਾਂ, ਜਿਸ ਦਾ ਉਸ ਨੇ ਟਵੀਟ ‘ਚ ਜ਼ਿਕਰ ਕੀਤਾ… #ਸ਼ਾਂਤੀ।’

ਇਸ ਦੇ ਨਾਲ ਹੀ ਸੋਸ਼ਲ ਮੀਡੀਆ ‘ਤੇ ਯੂਜ਼ਰਜ਼ ਸ਼ਹਿਨਾਜ਼ ਤੋਂ ਕਾਫ਼ੀ ਨਾਰਾਜ਼ ਹਨ। ਇਕ ਯੂਜ਼ਰ ਨੇ ਲਿਖਿਆ, ”ਮੈਨੂੰ ਸੰਗੀਤਕ ਸ਼ਰਧਾਂਜਲੀ ਨਾਲ ਪਰੇਸ਼ਾਨੀ ਨਹੀਂ ਹੁੰਦੀ ਜੇਕਰ ਉਨ੍ਹਾਂ ਨੇ ਸਿਧਾਰਥ ਦੀ ਜਗ੍ਹਾ ਕਿਸੇ ਹੋਰ ਨੂੰ ਨਾ ਲਿਆ ਹੁੰਦਾ ਅਤੇ ਫਿਰ ਸ਼ਰਧਾਂਜਲੀ ਦੇ ਨਾਂ ‘ਤੇ ਕੀਤੇ ਗਏ ਪ੍ਰਚਾਰ ਨੇ ਇਸ ਨੂੰ ਹੋਰ ਖ਼ਰਾਬ ਕਰ ਦਿੱਤਾ ਹੁੰਦਾ। ਸਿਧਾਰਥ ਦੇ ਨਾਂ ‘ਤੇ ਆਪਣੇ ਆਪ ਮਸ਼ਹੂਰ ਕਰਨਾ ਅਤੇ ਅੱਗੇ ਵਧਣਾ ਕੋਈ ਸ਼ਰਧਾਂਜਲੀ ਨਹੀਂ ਹੈ।”

Check Also

ਕਿਸਾਨਾਂ ਤੇ ਗੱਡੀ ਚ ੜਾ ਉ ਣ ਦੇ ਮਾਮਲੇ ਚ ਸੁਖਜਿੰਦਰ ਰੰਧਾਵਾ ਦਾ ਵੱਡਾ ਐਲਾਨ

ਬੀਤੇ ਦਿਨੀਂ ਫਿਰੋਜ਼ਪੁਰ ਵਿਚ ਕਿਸਾਨਾਂ ਤੇ ਹੋਏ ਹ ਮ ਲੇ ਦਾ ਮਾਮਲਾ ਹੁਣ ਵਿਧਾਨ ਸਭਾ …

%d bloggers like this: