Breaking News
Home / Bollywood / 40 ਮਜ਼ਦੂਰਾਂ ਨੇ 1800 ਘੰਟਿਆਂ ‘ਚ ਤਿਆਰ ਕੀਤੀ ਸੀ ਕੈਟਰੀਨਾ ਦੀ ਸਾੜ੍ਹੀ, ਤਸਵੀਰਾਂ ਵੇਖ ਹੋਵੋਗੇ ਹੈਰਾਨ

40 ਮਜ਼ਦੂਰਾਂ ਨੇ 1800 ਘੰਟਿਆਂ ‘ਚ ਤਿਆਰ ਕੀਤੀ ਸੀ ਕੈਟਰੀਨਾ ਦੀ ਸਾੜ੍ਹੀ, ਤਸਵੀਰਾਂ ਵੇਖ ਹੋਵੋਗੇ ਹੈਰਾਨ

ਹਾਲ ਹੀ ‘ਚ ਕੈਟਰੀਨਾ ਕੈਫ ਨੇ ਇਕ ਫੋਟੋਸ਼ੂਟ ਕਰਵਾਇਆ ਸੀ, ਜਿਸ ਦੀ ਚਰਚਾ ਹਰ ਪਾਸੇ ਹੋ ਰਹੀ ਹੈ। ਦਰਅਸਲ, ਕੈਟਰੀਨਾ ਆਪਣੀ ਮਾਂ ਅਤੇ ਬ੍ਰਿਟਿਸ਼ ਵਿਰਾਸਤ ਦਾ ਸਨਮਾਨ ਕਰਨ ਲਈ ਫੁੱਲਾਂ ਵਾਲੇ ਪਹਿਰਾਵੇ ‘ਚ ਦਿਖਾਈ ਦਿੱਤੀ, ਜਿਸ ਨਾਲ ਉਸ ਨੇ ਇੱਕ ਪਰਦਾ ਵੀ ਚੁੱਕਿਆ ਹੋਇਆ ਸੀ। ਕੈਟਰੀਨਾ ਨੇ ਆਪਣੇ ਹੱਥ ‘ਚ ਫੁੱਲਾਂ ਦਾ ਗੁਲਦਸਤਾ ਵੀ ਲਿਆ ਹੋਇਆ ਸੀ। ਇਨ੍ਹਾਂ ਤਸਵੀਰਾਂ ਨੂੰ ਉਸ ਨੇ ਆਪਣੇ ਇੰਸਟਾਗ੍ਰਾਮ ‘ਤੇ ਵੀ ਸਾਂਝਾ ਕੀਤਾ ਹੈ।

ਦੱਸ ਦਈਏ ਕਿ ਲੋਕ ਕੈਟਰੀਨਾ ਤੇ ਵਿੱਕੀ ਕੌਸ਼ਲ ਦੇ ਪ੍ਰੀ-ਵੈਡਿੰਗ ਸ਼ੂਟ ਦੀ ਖੂਬ ਤਾਰੀਫ਼ ਕਰ ਰਹੇ ਹਨ। ਪ੍ਰੀ-ਵੈਂਡਿੰਗ ਸ਼ੂਟ ਦੌਰਾਨ ਉਸ ਨੇ ਕ੍ਰਿਸ਼ਚੀਅਨ ਵੈਡਿੰਗ ਦੇ ਚਿੱਟੇ ਗਾਊਨ ਦੀ ਬਜਾਏ ਖੂਬਸੂਰਤ ਸਾੜ੍ਹੀ ਪਹਿਨੀ ਸੀ, ਜਿਸ ਨੂੰ ਸਬਿਆਸਾਚੀ ਨੇ ਡਿਜ਼ਾਈਨ ਕੀਤਾ ਸੀ।

ਖ਼ਬਰਾਂ ਮੁਤਾਬਕ, ਇਸ ਖ਼ੂਬਸੂਰਤ ਸਾੜ੍ਹੀ ਨੂੰ 40 ਕਾਰੀਗਰਾਂ ਨੇ 1800 ਘੰਟੇ ਤੋਂ ਜ਼ਿਆਦਾ ਸਮਾਂ ਲਗਾ ਕੇ ਤਿਆਰ ਕੀਤਾ। ਕੈਟਰੀਨਾ ਦੀ ਸਾੜ੍ਹੀ ਹੀ ਨਹੀਂ ਸਗੋਂ ਉਸ ਦੀ ਸਟੇਟਮੈਂਟ ਜਿਊਲਰੀ ਵੀ ਸਬਿਆਸਾਚੀ ਨੇ ਡਿਜ਼ਾਈਨ ਕੀਤੀ ਸੀ।

ਕੈਟਰੀਨਾ ਦੀਆਂ ਇਹ ਤਸਵੀਰਾਂ ਸਬਿਆਸਾਚੀ ਨੇ ਆਪਣੇ ਇੰਸਟਾਗ੍ਰਾਮ ‘ਤੇ ਵੀ ਸ਼ੇਅਰ ਕੀਤੀਆਂ ਹਨ। ਕੈਟਰੀਨਾ ਨੇ ਕ੍ਰਿਸ਼ਚੀਅਨ ਲੁੱਕ ਨੂੰ ਨਵੇਂ ਤਰੀਕੇ ਨਾਲ ਪੇਸ਼ ਕੀਤਾ। ਉਸ ਨੇ ਇੱਕ ਪੇਸਟਲ ਟੂਲੇ ਸਾੜ੍ਹੀ ਰੰਗ ਦੀ ਸਾੜ੍ਹੀ ਪਹਿਨੀ ਸੀ, ਜੋ ਅੰਗਰੇਜ਼ੀ ਫੁੱਲਾਂ ਦੀ ਕਢਾਈ ਦੇ ਨਾਲ ਰਤਨ ਦੀ ਵਰਤੋਂ ਕਰਕੇ ਬਣਾਈ ਗਈ ਹੈ।

ਖ਼ਬਰਾਂ ਮੁਤਾਬਕ ਇਸ ਖੂਬਸੂਰਤ ਸਾੜ੍ਹੀ ਨੂੰ ਬੰਗਾਲ ਦੇ ਕਾਰੀਗਰਾਂ ਨੇ ਬਣਾਇਆ ਹੈ। ਵਿੱਕੀ ਕੌਸ਼ਲ ਆਪਣੀ ਪ੍ਰੇਮਿਕਾ ਨਾਲ ਗੁਲਾਬੀ ਰੰਗ ਦੇ ਬੰਦ ਗਰਦਨ ਦੇ ਕੁੜਤੇ ‘ਚ ਮੇਰਿਨੋ ਉੱਨ ‘ਚ ਟਰਾਊਜ਼ਰ ਨਾਲ ਬਹੁਤ ਖ਼ੂਬਸੂਰਤ ਦਿਖ ‘ਚ ਨਜ਼ਰ ਆਏ। ਇਹ ਵੀ ਸਬਿਆਸਾਜੀ ਵੱਲੋਂ ਤਿਆਰ ਕੀਤਾ ਗਿਆ ਸੀ। ਜ਼ਾਹਰ ਹੈ ਕਿ ਕੈਟਰੀਨਾ ਕੈਫ ਨੇ ਆਪਣੇ ਪ੍ਰੀ-ਵੈਡਿੰਗ ਸ਼ੂਟ ‘ਚ ਇਸ ਖ਼ੂਬਸੂਰਤ ਸਾੜ੍ਹੀ ਨੂੰ ਪਹਿਨ ਕੇ ਇਕ ਨਵਾਂ ਰੁਝਾਨ ਕਾਇਮ ਕੀਤਾ ਹੈ।

ਦੱਸਣਯੋਗ ਹੈ ਕਿ ਕੈਟਰੀਨਾ ਕੈਫ ਤੇ ਵਿੱਕੀ ਕੌਸ਼ਲ 9 ਦਸੰਬਰ 2021 ਨੂੰ ਵਿਆਹ ਦੇ ਬੰਧਨ ‘ਚ ਬੱਝੇ ਹਨ। ਆਪਣੇ ਵਿਆਹ ਵਾਲੇ ਦਿਨ ਕੈਟਰੀਨਾ ਕੈਫ ਨੇ ਸਬਿਆਸਾਚੀ ਮੁਖਰਜੀ ਦੇ ਕਲੈਕਸ਼ਨ ਤੋਂ ਲਾਲ ਲਹਿੰਗਾ ਅਤੇ ਸ਼ਾਨਦਾਰ ਗਹਿਣੇ ਪਹਿਨੇ ਸਨ, ਜਿਸ ‘ਚ ਉਹ ਬਹੁਤ ਖ਼ੂਬਸੂਰਤ ਲੱਗ ਰਹੀ ਸੀ।

Check Also

ਪ੍ਰਿਅੰਕਾ ਚੋਪੜਾ ਨੇ ਦੱਸੀ ਮੰਗਲਸੂਤਰ ਦੀ ਅਹਿਮੀਅਤ, ਵੀਡੀਓ ਹੋਈ ਵਾਇਰਲ

ਪ੍ਰਿਅੰਕਾ ਚੋਪੜਾ ਭਾਵੇਂ ਜ਼ਿਆਦਾਤਰ ਸਮਾਂ ਵਿਦੇਸ਼ ’ਚ ਰਹਿੰਦੀ ਹੈ ਪਰ ਦੇਸ਼ ਦੀ ਮਿੱਟੀ ਉਸ ’ਚ …

%d bloggers like this: